O passado Domingo lim no suplemento XLSemanal umha interesante reportage sobre o povo Zo’é. Vivem na Amazonia brasileira sem chefes nem chamans e, evidentemente, dum modo ecologicamente sustentável. Fôrom contactados hai apenas vinte anos, segundo a reportage. Hoje soubem que a aldeia dum povo nom contactado da Amazonia peruana fora atopada por trabalhadores dumha petroleira canadense.
Começa a Semana de Acçom Contra a Pobreza, tamém a Semana de Acçom contra a Dívida e as IFIs. Culminarám cumha Jornada de Mobilizaçom, 21 de Outubro… Sem esquecer o direito à alimentaçom. Todas convocatórias globais com maior ou menor repercusom em Galiza. Hai já alguns anos escuitei por casualidade umha cançom de Serrat, cuja letra foi umha grata surpresa.
O governo espanhol vem de apresentar, junto coa OIM, umha dura campanha publicitária coa que disque pretende combater a imigraçom irregular de orige subsaariana. Desenvolverá-se em Senegal ―actual ponto de partida do grosso dessa migraçom―, custará perto de 1 milhom de euros e os anúncios serám reproduzidos na imprensa, rádio e tv, os mesmos meios que difundem a todo o planeta a opulenta vida nos centros globais, no “Primeiro Mundo”. De verdade pensam que assi parará o éxodo?
Xerado en 0.591 segundos. | © ouveios e outras vozes é outro habitante da Blogaliza correndo WordPress