Disque quando eu nom tinha mais do que uns poucos anos baixavam até a aldeia. Lembro, sendo neno, a meu avó a contar que atopara a cama dumha fémia com crias. Devérom ser os últimos na zona: demasiado cemento, demasiado asfalto, demasiados eucaliptos, demasiado medo, demasiado ódio.
Acaba, por fim, a campanha. Quatro anos! Agora começarám coa das autonómicas galegas (e esperemos que nom se ponham com outra maratom estatal). Já hai tempo que tenho decidido o meu voto… mais ou menos.
Nom é nada habitual, mas precipitei-me. Fora do praço estabelecido, chamárom. Fum à entrevista. Superei a prova. Fico na terra, quando menos polo de agora. Desemprego: até mais ver.
Como tantas pessoas neste país, experimentei desde mui cedo a influência da figura de Castelao, de obras como o álbum “Nós”, no que se recolhia aquel desenho dumha massa de emigrantes acompanhado do texto “En Galiza non se pide nada. Emígrase”. Prometim-me hai muitos anos nom emigrar, ficar em Galiza e fazer o que na minha mao estivesse para mudar esta terra. Assi foi, mas nom sei por quanto mais tempo resistirei.
Conta Jorge Riechmann num seu livro umha tradiçom dos índios Oneida conhecida da mao de Dave Foreman: “A tribo chegou um dia a um lugar que semelhava perfeito para viver nel. Mais despois de instalar o campamento decatárom-se de que havia muitos lobos na regiom. Considerárom a opçom de os exterminar, mais despois recapacitárom: “Quê classe de pessoas imos chegar a ser se os matamos?” Tomárom entom umha dupla decissom: permanecer no lugar e assignar a um home a tarefa de assistir às reunions do conselho “e falar em nome do lobo”.”
Xerado en 0.413 segundos. | © ouveios e outras vozes é outro habitante da Blogaliza correndo WordPress