Alimentos?
Abril está a ser o mês dos alimentos, da sua produçom, do aceso a eles, da sua qualidade, do seu controlo… Em Galiza, 7 de Abril apresentava-se a Plataforma Galega Antitransxénicos; quatro dias despois era a Iniciativa pola Soberanía Alimentar dos Pobos a que via a luz; as quatro Sextas do mês celebram-se em Ferrol umhas jornadas sobre agrocombustíveis… E isto nom é mui diferente do que ocorre no resto do mundo.
Poucas cousas hai tam básicas para viver como os alimentos. Que os fanáticos das condenas a morte alertem das execuçons que estám por chegar é um claro indicador da gravidade da situaçom. 17 de Abril celebra-se o Dia Internacional da Luita Labrega, jornada dedicada à denúncia das empresas transnacionais de agronegócios como causantes da crise alimentar global.
Vam sendo horas de pensar seriamente sobre os alimentos e quem os produzem ou extraem, sobre a sua importáncia para a vida, sobre o lugar que ocupam na nossa sociedade e no mundo, sobre o que nos depara o futuro por teimar em ignorar o que sempre se nos dixo: coa comida nom se joga.