Domingo votarei
Acaba, por fim, a campanha. Quatro anos! Agora começarám coa das autonómicas galegas (e esperemos que nom se ponham com outra maratom estatal). Já hai tempo que tenho decidido o meu voto… mais ou menos.
Coido que nom vai haver muitos cámbios nestas eleiçons: haverá umha alta participaçom (a mobilizaçom impulsada pola competiçom bipartidista é evidente), Zapatero seguirá a ser presidente, sem maioria absoluta (creio e espero, se bem pode ficar perto dela), e suponho que o BNG terá 1 ou 2 deputad@s, mesmo 3.
Prefiro a Zapatero frente a Rajoy, mas nom vou votar polo PSOE. Prefiro que nom haja maiorias absolutas e suponho que sempre é melhor ter deputados do nacionalismo galego em Madrid que nom os ter, mas tampouco vou votar polo BNG. Para além do PP, nom existem outras possibilidades de representantes eleit@s por Galiza, e ainda que as houvesse: segundo um test de compatibilidade política deveria votar por um partido que nom se apresenta na minha circunscriçom eleitoral… a saber qual seria o resultado se tamém contassem com candidaturas portuguesas.
Passei anos a apoiar umha mesma opçom partidária, apesar de estar cada vez mais longe dela ideologicamente. Nas últimas municipais mudei este hábito e, por vez primeira, practiquei o voto estratégico e de castigo (coa mao no nariz, mas isso nom era novidade). Desta vez vou-me estrear no voto protesta… nom se pode estar eternamente co PVBE.