Holocaustos
28 de Fevereiro de 2008. Emotiva entrada no blog da AGAI: Foto dumha nena judia de Estrasburgo; Foto do que entendo é umha sala dum campo de concentraçom ou extermínio; Poema titulado Shoa, assinado em Vigo a Janeiro de 2008.
29 de Fevereiro de 2008. A imprensa recolhe declaraçons de vice-ministro de Israel sobre o Holocausto que este Estado vai/está a realizar na faixa de Gaza.
4 de Março de 2008. A operaçom “Inverno quente” acaba cum centenar de pessoas mortas da parte de Palestina (a metade alheias a milícias e combatentes) e três da parte de Israel (dous soldados e um civil). Seis dias mais de décadas de violência. O blog da AGAI registra umha nova entrada: fermosas fotos de paisages de Israel.
Já o dizia o poema:
“Calaron e ollaron cara a un lado,
os que fachendaban de ser civilizados,
desprezando os queixumes dos coitados
e esquecendo o dereito do aldraxado.
Pero o acaecido non é novo.”
É o que tem ser associaçom de amizade e nom associaçom pola paz. Mentres, Avaaz recolhe assinaturas para um cessar o fogo sugerido por Hamas e apoiado polo 64% da populaçom de Israel.