Resgatar polos, mudar o sistema
“Os polos som um símbolo. O símbolo dum modelo de produçom de alimentos nefasto social e ambientalmente. [...] Os polos som símbolo dum modelo agro-gadeiro industrializado, assassino de pessoas e destrutor de vida. Cada dia milhons de polos vivem num modelo quando deveriam viver noutro. O agroecológico”.
Assi se apresentam “Las Rekatadoras de Pollos”, que venhem de colgar o vídeo dumha acçom de resgate de polos, dumha nave industrial a um galinheiro familiar. Um gesto a favor da agroecologia e da soberania alimentar, um chamado a outro modo de produzir e consumir alimentos, o da agricultura familiar, o pastoreio e gadaria ecológica, a pesca e marisqueio artesanais… Umha defesa tamém, dum outro modo de entender o território, de nos relacionar entre os seres humanos e coa Terra.