A aprender sobre ecologismo com Os Simpson
Tanto n’Os Simpson como em Futurama som habituais as referências a problemas ambientais. Sempre que me detenho a pensar sobre as diferenças entre ecologismo e ambientalismo lembro aquel capítulo d’Os Simpson no que Lisa emulava a Julia “Butterfly” Hill, a moça que passou dous anos subida a umha sequoia. Deu-me por procurá-lo… e resulta que está na rede!
Na versom original, o título deste episódio é “Lisa a Abraçadora de Árvores”, remetendo-nos para o movimento Chipko, exemplo de ecologismo dos pobres e nonviolência, mas a organizaçom parodiada (Earth First!) pratica um ecologismo bem diferente, biocêntrico extremista e centrado na sabotage, o que fai difícil comprender como é que o pudérom traduzir como “Ecologistas en Acción”, confederaçom que cai mais bem da parte do ecologismo social.
Cara ao final do capítulo fai-se umha brincadeira que situa ao activista de “Dirt First!” no ambientalismo, nom no ecologismo. A metáfora é mui eficaz.