Declaraçom de intençons
Conta Jorge Riechmann num seu livro umha tradiçom dos índios Oneida conhecida da mao de Dave Foreman: “A tribo chegou um dia a um lugar que semelhava perfeito para viver nel. Mais despois de instalar o campamento decatárom-se de que havia muitos lobos na regiom. Considerárom a opçom de os exterminar, mais despois recapacitárom: “Quê classe de pessoas imos chegar a ser se os matamos?” Tomárom entom umha dupla decissom: permanecer no lugar e assignar a um home a tarefa de assistir às reunions do conselho “e falar em nome do lobo”.”
Este blog aspira a contribuír, por pouco que seja, a “dar voz ao lobo”, a todos aqueles seres vivos humanos e nom-humanos cos que compartimos planeta, e aos que virám despois. Nom podia ser doutro modo: quem isto escreve olha o mundo com lentes ecopacifistas. Contodo, ao final, o que aqui se recolha nom vai ser mais do que isso: a minha particular visom distorcida do que chego a perceber do mundo.
E nem ideia de quanto tempo vai durar isto, nem com que periodicidade se vai actualizar.