Tanto n’Os Simpson como em Futurama som habituais as referências a problemas ambientais. Sempre que me detenho a pensar sobre as diferenças entre ecologismo e ambientalismo lembro aquel capítulo d’Os Simpson no que Lisa emulava a Julia “Butterfly” Hill, a moça que passou dous anos subida a umha sequoia. Deu-me por procurá-lo… e resulta que está na rede!
Nom é nada habitual, mas precipitei-me. Fora do praço estabelecido, chamárom. Fum à entrevista. Superei a prova. Fico na terra, quando menos polo de agora. Desemprego: até mais ver.
Botou a andar em Cuatro um novo programa. O formato é similar ao doutros emitidos com anterioridade por esta canle, mas desta vez o assessoramento tem a ver coa sustentabilidade. A primeira das quatro entregas ―com seica bons resultados de audiência― tivo, ao meu ver, os seus acertos e erros.
O governo espanhol vem de apresentar, junto coa OIM, umha dura campanha publicitária coa que disque pretende combater a imigraçom irregular de orige subsaariana. Desenvolverá-se em Senegal ―actual ponto de partida do grosso dessa migraçom―, custará perto de 1 milhom de euros e os anúncios serám reproduzidos na imprensa, rádio e tv, os mesmos meios que difundem a todo o planeta a opulenta vida nos centros globais, no “Primeiro Mundo”. De verdade pensam que assi parará o éxodo?
Como tantas pessoas neste país, experimentei desde mui cedo a influência da figura de Castelao, de obras como o álbum “Nós”, no que se recolhia aquel desenho dumha massa de emigrantes acompanhado do texto “En Galiza non se pide nada. Emígrase”. Prometim-me hai muitos anos nom emigrar, ficar em Galiza e fazer o que na minha mao estivesse para mudar esta terra. Assi foi, mas nom sei por quanto mais tempo resistirei.
Conta Jorge Riechmann num seu livro umha tradiçom dos índios Oneida conhecida da mao de Dave Foreman: “A tribo chegou um dia a um lugar que semelhava perfeito para viver nel. Mais despois de instalar o campamento decatárom-se de que havia muitos lobos na regiom. Considerárom a opçom de os exterminar, mais despois recapacitárom: “Quê classe de pessoas imos chegar a ser se os matamos?” Tomárom entom umha dupla decissom: permanecer no lugar e assignar a um home a tarefa de assistir às reunions do conselho “e falar em nome do lobo”.”
Xerado en 0.601 segundos. | © ouveios e outras vozes é outro habitante da Blogaliza correndo WordPress